வெற்றிமாறன் இயக்கத்தில் விஜய் சேதுபதி மகன்: அதுவும் இப்படி ஒரு ரோலிலா.?

வெற்றிமாறனின் விடுதலை இரண்டாம் பாகத்தில் விஜய் சேதுபதியுடன் இணைந்து அவரது மகன் சூர்யா முக்கியமான கதாபாத்திரத்தில் நடிக்கவுள்ளதாக தகவல்கள் வெளியாகியுள்ளன.

வெற்றிமாறன் இயக்கத்தில் வெளியாகி மிகப்பெரிய வெற்றியை பெற்ற படம் விடுதலை. அண்மையில் ரிலீசான இதன் முதல் பாகம் திரையரங்குகளில் வெற்றிநடை போட்டதை தொடர்ந்து தற்போது ஓடிடியிலும் சக்கை போடு போட்டு வருகிறது. இவ்வாறுஇருக்கையில் 'விடுதலை' படத்தின் இரண்டாம் பாகம் குறித்து வெளியாகியுள்ள தகவல் சோஷியல் மீடியாவில் வைரலாகி வருகிறது.

அத்தோடு கடந்த மார்ச் மாதம் மிகப்பெரிய எதிர்பார்ப்பிற்கு மத்தியில் ரிலீசான படம் 'விடுதலை பார்ட் 1'. தமிழ் திரையுலகில் தொடர்ச்சியாக பல ஹிட் படங்களை கொடுத்து வந்த வெற்றிமாறன் இயக்கத்தில் ரிலீஸ் ஆனது இந்தப்படம். தனது வித்தியாசமான மேக்கிங் மற்றும் அழுத்தமான திரைக்கதை மூலம் தன்னுடைய படங்களுக்கு என்று தனியொரு ரசிகர்கள் பட்டாளம் வைத்துள்ளார் வெற்றிமாறன்.

மேலும் இவருடைய இயக்கத்தில் வெளியாகும் படங்கள் அனைத்தும் தொடர்ச்சியாக சமூக பிரச்சனைகள் குறித்து பேசி வருகிறது.அத்தோடு 'அசுரன்' படத்தின் வெற்றியை தொடர்ந்து சூரியை கதையின் நாயகனாக கொண்டு புதிய படத்தை இயக்க ஆரம்பித்தார். இதனால் ரசிகர்கள் மத்தியில் எக்கச்சக்க எதிர்பார்ப்பு ஏற்பட்டது. நீண்ட காலமாக தயாரிப்பில் இருந் இந்தப்படம் கடந்த மார்ச் மாதம் ரிலீஸ் ஆனது.

சூரி, விஜய் சேதுபதி, பவானிஸ்ரீ, சேத்தன், ராஜீவ், கெளதம் மேனன் உள்ளிட்ட பலர் நடித்திருந்தனர். காவல்துறையின் அராஜக போக்கை தோலுரித்து காட்டும் விதமாக இந்தப்படத்தை உருவாக்கியிருந்தார் வெற்றிமாறன். திரையுலக பிரபலங்கள், அரசியல் கட்சி தலைவர்கள் மற்றும் ரசிகர்கள் என பலரின் பாராட்டு மழையில் நனைந்தது 'விடுதலை பார்ட் 1'.

இவ்வாறுஇருக்கையில் இந்தப்படத்தின் இரண்டாம் பாகம் இன்னும் சில மாதங்களில் ரிலீஸ் ஆகும் என கூறப்படுகிறது. முதல் பாகத்தில் கான்ஸ்டபிள் குமரேசன் கதாபாத்திரத்தில் சூரி, வாத்தியாராக விஜய் சேதுபதி நடித்திருந்தனர். முதல் பாகத்தில் விஜய் சேதுபதிக்கான காட்சிகள் குறைவாக இருந்தது. இதனையடுத்து இரண்டாம் பாகத்தில் அவருக்கான காட்சிகள் அதிகம் இருக்கும் என கூறப்படுகிறது

இந்நிலையில் லேட்டஸ்ட் தகவலாக இரண்டாம் பாகத்தில் விஜய் சேதுபதியின் மகன் சூர்யாவும் முக்கியமான கதாபாத்திரத்தில் நடிக்கவுள்ளதாக தகவல்கள் வெளியாகியுள்ளன. இந்தப்படத்தில் அவருக்கான கேரக்டர் வெயிட்டாக இருக்கும் என்றும் கூறப்படுகிறது. சூர்யா 'விடுதலை பார்ட் 2' படப்பிடிப்பு தளத்தில் வெற்றிமாறன், விஜய் சேதுபதி இருக்கும் புகைப்படம் சோஷியல் மீடியாவில் வைரலாகி வருவது குறிப்பிடத்தக்கது.