விஜய் இப்படி நடிக்க வேணும்… ஒரு ரசிகனாக என்னுடைய ஆசை… கமல் ஹாசன் கூறிய அந்தப் பதில்..!

தமிழ் சினிமாவின் உலகநாயகன் என்றால் அது நம்ம கமல் ஹாசன் தான். இவரின் நடிப்பில் சமீபத்தில் வெளியான மாபெரும் வெற்றிப்படமே 'விக்ரம்'. இப்படத்தினை லோகேஷ் கனகராஜ் இயக்கியிருந்தார். அத்தோடு வில்லன் கதாபாத்திரத்தில் மக்கள் செல்வன் விஜய் சேதுபதி நடித்திருந்தார். கடந்த ஜூன் மாதம் வெளியான இப்படமானது உலகளவில் மிக பெரியளவிலான வசூலினை செய்து சாதனை படைத்திருந்தது.

அப்படத்தினைத் தொடர்ந்து நடிகர் கமல் ஹாசன் இயக்குநர் மகேஷ் நாரயணன் இயக்கத்தில் நடிப்பார் என எதிர்பார்க்கப்பட்டது. எனினும் மறுபடியும் தற்போது அவர் 'இந்தியன் 2' திரைப்படத்தில் நடிப்பார் என எதிர்பார்க்கப்படுகிறது.

இவ்வாறாக பல வெற்றிப் படங்களைக் கொடுத்து வருகின்ற நடிகர் கமல் ஹாசனின் பழைய பேட்டி ஒன்று தற்போது இணையத்தில் வெளியாகி செம வைரலாகி வருகின்றது. அதில் கமல் ஹாசனிடம் பல கேள்விகளும் கேட்கப்பட்டிருந்தன. அதில் ஒன்றாக விஜய்யின் திரைப்படங்கள் குறித்தும் கேட்கப்பட்டது.

அதற்கு அவர் பதிலளிக்கையில் "நான் விஜய்யின் திரைப்படங்கள் நிறையப் பார்த்துள்ளேன். நான் விஜய்யை அடிக்கடி பார்ப்பேன். விஜய் பற்றிய எனது ரசனையை நான் சொல்கிறேன், நான் சொல்வது அவரின் ரசிகர்கள் சிலருக்குப் பிடிக்காமல் இருக்கலாம். ரஜினி நடித்ததில் எனக்கு 'முள்ளும் மலரும்' பிடிக்கும், அந்த மாதிரியான படங்களில் விஜய் நடிக்க வேண்டும் என்பது எனது ஆசை. நான் அவருடையே திரைப்படங்கள் எல்லாம் நிறையப் பார்த்திருக்கிறேன்" எனக் கூறியிருக்கின்றார்.

மேலும் அவர் விஜய் பற்றிக் கூறுகையில் "வெற்றிக்கு மறுபேச்சே கிடையாது, அவர் நிறையே வெற்றி திரைப்படங்களில் நடித்திருக்கிறார். ஆனால் அவர் இந்த மாதிரியான திரைப்படங்களிலும் நடிக்க வேண்டும் என்பது சினிமாதுறையை சேர்ந்த ரசிகனாக எனது ஆசை” என உணர்வுபூர்வமாகப் பதிலளித்திருக்கின்றார். கமல் ஹாசன் கூறிய இந்தப் பதிலானது தற்போது சமூக வலைத்தளங்களில் அதிகளவில் பகிரப்பட்டு வருகின்றது.

பிற செய்திகள்

சமூக ஊடகங்களில்: