திடீரென ரூட்டை மாற்றிய ராகுல் ப்ரீத் சிங்... வைரலாகும் புகைப்படங்கள்..!

இந்தியத் திரையுலகில் பலராலும் அறியப்பட்ட பெண் நட்ஷத்திரங்களில் ஒருவராக வலம் வருபவர் நடிகை ராகுல் ப்ரீத் சிங். இவர் செல்வராகவனின் '7ஜி ரெயின்போ காலனி' படத்தின் கன்னட மொழிபெயர்ப்பான 'கில்லி' படத்தில் நாயகியாக அறிமுகமானார்.

பின்னர் இவரின் முதல் தமிழ் படமாக 'தடையறத்தாக்க' அமைந்திருக்கின்றது. அதனைத் தொடர்ந்து 'புத்தகம்' உள்ளிட்ட அடுத்தடுத்த படங்களில் கமிட் ஆன ராகுல் ப்ரீத் சிங், 'என்னமோ ஏதோ' என்னும் படத்தில் நித்யாவாக நடித்திருந்தார்

தமிழில் மூன்று படங்களில் நடித்திருந்த போதிலும் போதுமான வரவேற்பு கிடைக்காத காரணத்தால் ஹிந்தி, தெலுங்கு என பிற மொழிகளுக்கு தாவிய ராகுல் ப்ரீத் சிங் அங்கு முன்னணி நாயகிகளில் ஒருவராக உள்ளார். அதுமட்டுமல்லாது தெலுங்கில் 'ப்ரூஸ்லீ, ஸ்பைடர்' போன்ற ஹிட் படங்களில் நடித்திருக்கின்றார்.

இப்படங்களில் மகேஷ்பாபு நாயகனாக நடித்த 'ஸ்பைடர்' படம் தமிழ், தெலுங்கு என இரு மொழிகளிலும் வெளியானது. இதன் மூலம் மீண்டும் தமிழ் சினிமாவிற்குள் நுழைந்தார் ராகுல் ப்ரீத் சிங்.

இதனையடுத்து தீரன் அதிகாரம் ஒன்று படத்தில் கார்த்திக்கு ஜோடியாக நடித்திருந்தார். இதைத் தொடர்ந்து மீண்டும் 'தேவ்' படத்தில் கார்த்தியுடன் ஜோடி போட்டார் ராகுல் ப்ரீத் சிங்.

பின்னர் சூர்யா நடிப்பில் செல்வராகவன் இயக்கி இருந்த 'என் ஜி கே' படத்தில் இரண்டாவது நாயகியாக தோன்றி மாஸ் காட்டியிருந்தார். பின்னர் மீண்டும் தெலுங்கு மொழிப் படங்களுக்கு திரும்பிய இவர் பாலிவுட்டிலும் பிரபலமாக நாயகியாக இருந்து வருகிறார்.

இவ்வாறு பல மொழிப் படங்களிலும் ஆக்டிவாக இருந்து வருகின்ற ராகுல் ப்ரீத் சிங் சமூக வலைத்தளங்களிலும் ஆக்டிவாக இருந்து வருகின்றார். இதில் இவரது கவர்ச்சிப் புகைப்படங்களுக்கு எப்போதுமே குறைவு இல்லை.

இந்நிலையில் இவர் தற்போது தன்னுடைய ரூட்டை மாற்றி முழு நீள உடையில் புகைப்படங்களை வெளியிட்டிருக்கின்றார். அப்புகைப்படங்கள் தற்போது சமூக வலைத்தளங்களில் வைரலாகி வருகின்றன.