வாரிசு-துணிவு இரு படங்களுக்கும் வெற்றி கிடைக்கணும்.. துணிவுப்பட இயக்குநர் ஓபன் டாக்!

தமிழ் சினிமாவின் பிரபல மாஸ் ஹீரோவான விஜய் நடிப்பில் உருவாகியுள்ள வாரிசு படம் ஜனவரி வரும் 11ம் தேதி சர்வதேச அளவில் திரையரங்குகளில் வெளியாகவுள்ளது.

இந்நிலையில் அனைவருக்கும் பிடித்தமானவரான நடிகர் விஜய்யை தங்கள் படங்களில் நடிக்க வைக்க தமிழில் மட்டுமில்லாமல் மற்ற மொழிகளிலும் இயக்குநர்கள் காத்திருக்கின்றனர்.விஜய் தற்போது லோகேஷ் கனகராஜ் இயக்கத்தில் இரண்டாவது முறையாக தளபதி 67 படத்திற்காக இணைந்துள்ளார்.

நடிகர் விஜய் பீஸ்ட் படத்தை தொடர்ந்து தற்போது வாரிசு படத்தில் நடித்து முடித்துள்ளார். இந்தப்படம் வெளிநாடுகளிலும், தமிழகத்திலும் ரசிகர்கள் படத்தின் டிக்கெட்டுகளை முந்தியடித்து வாங்கியுள்ளனர்.

விஜய் எப்போதுமே ரசிகர்களுக்கு மட்டுமில்லாமல் இயக்குநர்களுக்கும் விருப்பமானவர். தற்போது லோகேஷ் கனகராஜ் இயக்கத்தில் மாஸ்டர் படத்தை தொடர்ந்து தளபதி 67 படத்திற்காக இரண்டாவது முறையாக இணைந்துள்ளார். இந்தப் படத்தின் டெஸ்ட் சூட் தற்போது எடுக்கப்பட்டுள்ளது. இந்த டெஸ்ட் சூட்டில் விஜய், மனோபாலா உள்ளிட்டவர்கள் கலந்து கொண்டுள்ளனர்.

இதனிடையே துணிவுப்பட இயக்குநர் வினோத், விஜய் குறித்து தனது சமீபத்திய பேட்டியில் பேசியுள்ளார். துணிவு படத்தின் பிரமோஷனுக்காக பேசியுள்ள இவர் , விஜய் சார் மிகவும் அமைதியானவர் என்பது நம் அனைவருக்கும் தெரியும் என்றும் ஆனால் அவர் கேமரா பிரேமிற்குள் வரும்போது வேறு மாதிரியாக மாறி விடுவார் என்றும் ஒரு பெரிய ராட்சசனாக நடிப்பார் என்றும் தெரிவித்துள்ளார்.

விஜய் மற்றும் அஜித் படங்கள் இந்தப் பொங்கல் தினத்தினை முன்னிட்டு இன்னும் இரு தினங்களில் ஒரே நாளில் திரையரங்குகளில் ரிலீசாக உள்ளன. இதுகுறித்து பேசிய ஹெச் வினோத், இரண்டு நாயகர்களுக்கும் இது வின் -வின் சூழலாக அமைய வேண்டும் என்றும் இருவருக்கும் லாபமும் வெற்றியும் கிடைக்க வேண்டும் என்றும் தெரிவித்துள்ளார். இதேபோல இரு மாஸ் ஹீரோக்களின் ரசிகர்களும் ஹப்பி ஆக வேண்டும் என்றும் கூறியுள்ளார்.

அஜித்துடன் இணைந்து நேர்கொண்ட பார்வை, வலிமை மற்றும் துணிவு படங்களை இயக்கியுள்ளார் வினோத். தற்போது துணிவு படத்தின் பிரமோஷன் பணிகளில் பிசியாக உள்ள அவர், அடுத்ததாக கமல்ஹாசனுடன் இணைந்து படமியக்கவுள்ளதாக தெரிவிக்கப்பட்டுள்ளது. மேலும் நடிகர் விஜய்க்கு இயக்குநர் வினோத் கதை சொல்லியுள்ளதாகவும் விரைவில் விஜய்யுடன் அவர் இணையவுள்ளதாகவும் தகவல்கள் வெளியாகியுள்ளமை குறிப்பிடத்தக்கது.

மேலும் சினிமா செய்திகளுக்கு இங்கே அழுத்தவும்

முக்கிய செய்திகள் பிரபலமானவை