நகைச்சுவை நடிகர் மயில்சாமி மாரடைப்பு காரணமாக நேற்று அதிகாலை இறப்புக்குள்ளானார். முதல் நாள் இரவு முழுவதும் கேளம்பாக்கம் மேகநாதேஸ்வரர் கோவிலில் இருந்த மயில்சாமி அங்கிருந்து இரவு 3 மணிக்கு வீட்டிற்கு கிளம்யிருக்கிறார். வீட்டிற்கு வந்த அவருக்கு நெஞ்சுவலி ஏற்பட்டது.
மருத்துவமனைக்கு செல்லும் முன்பே அவர் இறந்துவிட்டார். இந்நிலையில் மயில்சாமி தன் உடல்நலம் பற்றி பேசியது குறித்து தற்போது ரசிகர்கள் நினைவுகூர்ந்து வருகிறார்கள்.அதாவது முன்பு பள்ளி விழாவில் கலந்து கொண்ட மயில்சாமி பேசியதாவது, அன்று இரவு 1 மணிக்கு எனக்கு ஹார்ட் அட்டாக் வந்துச்சு. ஸ்ரீதர், தாடி ஸ்ரீதர்னு சொல்லுவாங்க. அவர் எனக்கு அண்ணன் தான். அவரும், அவங்க மிஸ்ஸஸும் சேர்ந்து தான் என்னை ஆம்புலன்ஸில் வச்சு, முகத்தில் ஒன்னு வப்பாங்களேன், மூச்சுவிடுவது அதை வச்சு, ஹார்ட் பீட் ரொம்ப மைனஸ் பாயிண்டுக்கு வந்தது. ஹார்ட்பீட் குறைந்தது இவ்வளவு இருக்கணும் என்று சொல்வார்கள். அது பாதிக்கு பாதி குறைந்துவிட்டது என்றார்.
மயில்சாமி மேலும் கூறியதாவது, ஊசியை போட்டு, 4 மணிநேரத்திற்குள் ராமசந்திரா மருத்துவமனைக்கு கொண்டு போயிடுங்கனு சொன்னாங்க. போய் சேர்ந்தாச்சு, வந்தாச்சு, இன்னும் எத்தனை நாள் இருப்போம்கிறது நமக்கு தெரியாது. அது தான் ஆண்டவன். எப்ப போவன்னு தெரியாது. பிறந்தது தெரியும். கல்யாண நாள் தெரியும். எல்லாமே தெரியும். எப்ப இறப்ப, அது தெரிந்தால் இன்னும் எவ்வளவு அநியாயம் நடக்கும். யோசனை செய்து பாருங்கள் என்றார்.
நான் சாதி மதம் பார்க்காததற்கு என்ன காரணம் என்றால் என் கூட வண்டி ஓட்டிட்டு வந்தவர் ஒரு முஸ்லீம். எனக்கு துணையாக வந்தவர் ஒரு கிறிஸ்டியன். நான் இந்து. ஆனால் எங்களுக்குள்ள இந்த சாதி மதம் எல்லாம் கிடையாது. ஒரே தட்டில் கூட சாப்பிட நாங்க மூன்று பேரும் தயார். எங்க பாலிசி அப்படித் தான். இறைவன் வந்து இப்படித் தான் இருக்கணும், அப்படித் தான் இருக்கணும் என்று சொல்லவே இல்லை என்று மயில்சாமி பேசியது பற்றி தற்போது ரசிகர்கள் பேசுகிறார்கள்.
மயில்சாமி மனிதர்களை மதித்தவர். மதம், சாதியின் அடிப்படையில் யாரையும் பிரித்துப் பார்க்கவில்லை. தன் மூத்த மகன் அருமைநாயகம் என்கிற அன்புவுக்கு சாதி மறுப்பு திருமணம் செய்து வைத்தார் என்றும் கூறப்படுகின்றது.
_63f35b32c27c8.jpg)
_661c0302ef4f5.png)
_661bb6358c73c.jpg)
_661baee1462ad.jpg)
.png)
.png)
Listen News!