வாத்தி படத்தில் இடம்பெற்ற வா வாத்தி பாடலின் படப்பிடிப்பின் போது சம்யுக்தாவிடம் தனுஷ் கூறிய விஷயம்
தனுஷ் தமிழ் சினிமா மட்டுமல்லாது பாலிவுட், ஹாலிவுட் வரை பல மொழிகளில் தனக்கான இடத்தை பிடித்து முக்கிய இடத்தில் உள்ளார். நடிகராக மட்டுமல்லாமல் தயாரிப்பாளர், இயக்குனர் என பன்முகத்திறன் கொண்டவராக இருந்து வருகின்றார் தனுஷ். கடந்தாண்டு மட்டுமே இவரது நடிப்பில் மாறன் , திருச்சிற்றம்பலம் , நானே வருவேன் என மூன்று திரைப்படங்கள் வெளியானது. அத்தோடு இந்தாண்டு துவக்கத்தில் தனுஷ் தமிழ் மற்றும் தெலுங்கில் நடித்த வாத்தி திரைப்படம் வெளியானது. இதைத்தொடர்ந்து தற்சமயம் ஒரு தெலுங்கு படத்திலும், அருண் மாதீஸ்வரன் இயக்கத்தில் உருவாகும் கேப்டன் மில்லர் படத்திலும் நடித்து வருகின்றார் தனுஷ். இவ்வாறு ஒரே சமயத்தில் பல படங்களில் நடித்து வரும் தனுஷ் தன் ஐம்பதாவது திரைப்படத்தை தானே இயக்கவும் இருக்கின்றார்
கர்ணன் படத்திற்கு பின்னர் தனுஷ் நடிப்பில் வெளியான திரைப்படங்கள் தொடர்ந்து தோல்வியை சந்தித்து வந்தன. ஜகமே தந்திரம், அத்ராங்கி ரே , மாறன் ஆகிய திரைப்படங்கள் OTT யில் வெளியாகி தொடர் தோல்வியை சந்தித்தன.
எனினும் இதன் காரணமாக கட்டாய வெற்றியை எதிர்நோக்கி தனுஷ் காத்திருந்த சமயத்தில் தான் மித்ரன் ஜவஹர் இயக்கத்தில் கடந்தாண்டு வெளியான திருச்சிற்றம்பலம் திரைப்படம் மாபெரும் வெற்றியை பெற்றது. வசூல் ரீதியாகவும், விமர்சன ரீதியாகவும் மிகப்பெரிய வெற்றியை பெற்ற இப்படம் தனுஷை மீண்டும் வெற்றிப்பாதைக்கு அழைத்து வந்தது. இதையடுத்து செல்வராகவன் மற்றும் தனுஷ் கூட்டணியில் உருவான நானே வருவேன் திரைப்படம் வெளியாகி ரசிகர்களிடம் நல்ல வரவேற்பை பெற திரைத்துறையை பொறுத்தவரை தனுஷிற்கு கடந்தாண்டு சிறப்பான ஆண்டாகவே அமைந்தது
தனுஷ் தமிழ் மற்றும் தெலுங்கில் நடித்த வாத்தி திரைப்படம் சமீபத்தில் வெளியானது. இப்படத்தின் மூலம் தனுஷ் முதல்முறையாக நேரடி தெலுங்கு படத்தில் அறிமுகமானார். கல்வியை பற்றிய சமூக கருத்தோடு வெளியான வாத்தி திரைப்படம் ரசிகர்களிடம் கலவையான விமர்சனங்களையே பெற்றது. இருப்பினும் படத்தின் கருத்து நன்றாக இருந்ததால் ரசிகர்களின் ஆதரவையும் வாத்தி பெற்று வருகின்றது. குறிப்பாக தமிழை காட்டிலும் தெலுங்கில் இப்படம் மிகப்பெரிய வெற்றியை நோக்கி செல்கின்றது. இதுவரை பல கோடி வசூலை அள்ளிய வாத்தி திரைப்படம் விஜய்யின் வாரிசு திரைப்படத்தின் வசூலை ஆந்திராவில் முறியடித்துள்ளது
இவ்வாறுஇருக்கையில் வாத்தி படத்தில் ஜி.வி.பிரகாஷ் இசையில் உருவான பாடல்கள் அனைத்தும் மிகப்பெரிய வரவேற்பை பெற்றது. குறிப்பாக வா வாத்தி பாடல் பட்டிதொட்டி எங்கும் ஹிட்டடித்தது. இப்பாடலை தனுஷ் மற்றும் ஸ்வேதா மோகன் பாடியுள்ளனர். ஆனால் படத்தில் ஸ்வேதா மோகன் பாடிய வெர்ஷன் தான் இடம்பெற்றது. இந்நிலையில் வா வாத்தி பாடலை படமாக்கும் போது தனுஷ் நாயகி சம்யுக்தாவிடம், இப்பாடலுக்கு பிறகு நீங்க பெரிய ஆளா மாறிடுவீங்க . உங்களுக்கு தமிழில் மாபெரும் ரசிகர் கூட்டம் உருவாகும் என கூறினாராம். அவர் சொன்னதை போலவே இப்படம் வெளியான பிறகு இப்பாடலின் மூலம் சம்யுக்தா ஏராளமான ரசிகர்களை தன் வசப்படுத்தினார் என்பது குறிப்பிடத்தக்கது
_63fd823cc24d6.jpg)
_63fd84ee32425.jpg)
.png)
.png)
Listen News!