தெலுங்கு திரையுலகில் அதிகாரம் படைத்த தயாரிப்பாளர்களில் ஒருவர் தில் ராஜு. இவர் இறுதியாக வம்சி இயக்கத்தில் விஜய் நடித்த வாரிசு படத்தை இயக்கியிருந்தார். இவர் வாரிசு படம் வெற்றியடையும் என்று நம்பினார். அது மாதிரியே இப்படமும் வெற்றி பெற்று ஓடிக் கொண்டிருக்கின்றது.
இவரது மனைவி அனிதா உடல்நல பிரச்சனையால் கடந்த 2016ம் ஆண்டு காலமானார். இதையடுத்து தில் ராஜு தனியாக வசித்து வந்தார். அப்பா உங்களுக்கு ஒரு துணை தேவை. அதனால் மீண்டும் திருமணம் செய்து கொள்ளுங்கள் என அவரை மகள் வற்புறுத்தினார். இதையடுத்து கடந்த 2020ம் ஆண்டு தேஜஸ்வினி வைகா ரெட்டியை மணந்தார் தில் ராஜு. அவர்களுக்கு ஒரு மகன் இருக்கிறார்.
பேட்டி ஒன்றில் தில் ராஜு கூறியதாவது, நான் படங்கள் தயாரிக்கத் துவங்கியபோது விவி விநாயக் மற்றும் பிரபாஸ் ஆகியோர் நான் தலைக்கனம் பிடித்தவன் என்று முதலில் நினைத்திருக்கிறார்கள். ஆனால் என்னுடன் சேர்ந்து வேலை பார்த்த பிறகே என் நிஜ கேரக்டர் அவர்களுக்கு தெரிய வந்தது. அவர்கள் மட்டும் அல்ல என் மனைவி தேஜஸ்வினியும் கூட என்னை பற்றி அப்படித் தான் நினைத்திருக்கிறார் என்றார்.
இரண்டாவது திருமணம் பற்றி தில் ராஜு கூறியதாவது, என் முதல் மனைவி இறந்த பிறகு இரண்டு ஆண்டுகள் மிகவும் துயரமாக இருந்தது. என்னை புரிந்து கொள்ளும் ஒரு பெண் கிடைத்தால் நன்றாக இருக்கும், இல்லை என்றால் வாழ்க்கையே பிரச்சனையாகிவிடும் என நினைத்தேன். அப்பொழுது தான் தேஜஸ்வினியை சந்தித்தேன். ஓராண்டாக அவரை கவனித்தேன். அவர் தான் எனக்கு பொருத்தமானவர் என முடிவு செய்து மணந்தேன் என்றார்.
Listen News!