விக்ரம் படத்திற்காக கமல் செய்த விசயம்-முதன் முறையாக பகிர்ந்த அனிருத்

கமல்ஹாசன் நடிப்பில் கடைசியாக 2018 ஆம் ஆண்டு விஸ்வரூபம்-2 படம் வெளியாகி ரசிகர்களிடத்தே அமோக வரவேற்ப்பை பெற்றது.அதன் பின்னர் நான்கு ஆண்டுகளாக அவர் படங்கள் எதுவும் ரிலீஸ் ஆகாதது ரசிகர்களுக்கு ஏமாற்றமாக அமைந்தது. இந்நிலையில் அவரின் அடுத்த படமாக விக்ரம் உருவாகி வருகிறது.

இந்த படத்தை லோகேஷ் கனகராஜ் இயக்கியுள்ளார். இதனால் இந்த படத்தின் மீது எக்கச்சக்கமாக எதிர்பார்ப்பு ரசிகர்களிடத்தே அதிகமாகியுள்ளது.

கமல், விஜய் சேதுபதி மற்றும் பஹத் பாசில் ஆகிய மூன்று பெரும் நடிகர்களை வைத்து மும்முரமாக படப்பிடிப்பை நடத்திவந்தார் லோகேஷ். மொத்தமாக 110 நாட்கள் நடந்த படப்பிடிப்பு சில மாதங்களுக்கு முன்னதாக முடிந்ததாக தெரிவிக்கப்பட்டது.இதையடுத்து விக்ரம் திரைப்படம் ஜூன் 3 ஆம் தேதி 5 மொழிகளில் பான் இந்தியா திரைப்படமாக வெளியாக உள்ளது.

தமிழ் சினிமாவில் முன்னணி விநியோக நிறுவனமான ரெட் ஜெய்ண்ட்ஸ் மூவிஸ் நிறுவனம் இந்த படத்தை வெளியிடுகிறது. இந்நிலையில் விக்ரம் படத்துக்காகக் காத்திருந்த கமல் ரசிகர்களுக்கு இரட்டை விருந்தாக இப்போது அப்டேட் ஒன்று வெளியாகியுள்ளது.

மேலும் விக்ரம் படத்தின் ஆடியோ மற்றும் டிரைலர் வெளியீடு வரும் மே 15 ஆம் தேதி நடக்க உள்ளதாக தெரிவிக்கப்பட்டுள்ளது. விரைவில் ஆடியோ லாஞ்ச் நடக்கும் இடம் அறிவிக்கப்படுமென எதிர்பார்க்கப்படுகின்றது.

இந்நிலையில் ஆடியோ ரிலீஸுக்கு முன்னர் மே 11 ஆம் தேதியே இந்த படத்தின் முதல் சிங்கிள் பாடல் தனியாக வெளியாக உள்ளதாக தெரிவிக்கப்பட்டுள்ளது.. இது ரசிகர்களுக்கு இன்ப அதிர்ச்சியாக அமைந்துள்ள நிலையில் தற்போது மேலும் ஒரு சர்ப்ரைஸாக படத்தில் கமல்ஹாசன் ‘பத்தல பத்தல’ என்ற பாடலை எழுதி பாடியுள்ளதாக அனிருத் அறிவித்துள்ளார்.

அத்தோடு பாடல் எழுதுவதற்காக அனிருத், கமல் மற்றும் இயக்குனர் லோகேஷ் கனகராஜ் ஆகியோர் இருக்கும் புகைப்படங்களையும் இணையத்தில் பகிர்ந்துள்ளார். இந்த புகைப்படங்கள் இப்போது இணையத்தில் கவனம் பெற்றுள்ளன. கமல்ஹாசன் இதற்கு முன்பாக பல படங்களில் பல வெற்றிகரமான பாடல்களை எழுதியும் பாடியும் உள்ளார் என்பது குறிப்பிடத்தக்கது.

https://www.youtube.com/embed/3mI2KccPi4w

பிறசெய்திகள்:

சமூக ஊடகங்களில்: