என்னது ....தனுஷ் இயக்கத்தில் செல்வராகவன் நடிக்கிறாரா? அதுவும் இந்த கேரக்டரிலா?

இயக்குநர் செல்வராகவன் இயக்கத்தில் உருவான ’காதல் கொண்டேன்’ ’புதுப்பேட்டை’ ’மயக்கம் என்ன’ உள்ளிட்ட படங்களில் தனுஷ் நடித்துள்ள நிலையில் தற்போது தனுஷ் இயக்கத்தில் உருவாகியுள்ள படத்தில் செல்வராகவன் நடிக்க இருப்பதாக தகவல் வெளியாகியுள்ளது.

தனுஷ் இயக்கத்தில் உருவான ’பா பாண்டி’ என்ற திரைப்படம் நல்ல வெற்றியை பெற்றதை தொடர்ந்து தற்போது அவர் விரைவில் இரண்டாவது படத்தை இயக்க உள்ளார் .

சன் பிக்சர்ஸ் நிறுவனம் தயாரிக்கும் இந்த படத்தின் ஆரம்பகட்ட பணிகள் தற்போது நடைபெற்று வருவதாக கூறப்படுகிறது. விஷ்ணு விஷால், எஸ்.ஜே.சூர்யா உள்ளிட்ட பலர் நடிக்கும் இந்த படத்தில் தனுஷ் சிறப்பு தோற்றத்தில் நடிப்பார் என்றும் சொல்லப்படுகிறது.

இசைப்புயல் ஏஆர் ரகுமான் இந்த படத்திற்கு இசையமைக்க இருப்பதாகவும் இந்த படத்தின் படப்பிடிப்பு விரைவில் தொடங்கும் என்றும் கூறப்படுகிறது.

இந்நிலையில் இந்த படம் குறித்து செல்வராகவன் சமீபத்தில் கூறிய போது ’தனுஷ் இயக்க இருக்கும் படத்தின் முழு திரைக்கதையும் எனக்கு தெரியும், அந்த கதை மிகச் சிறந்த கதை என்று தெரிவித்தார்.

மேலும் இந்த படத்தில் ஒரு முக்கிய கேரக்டரில் நான் நடிக்க விரும்புகிறேன், அந்த கேரக்டரை என்னால் மிகச் சரியாக செய்ய முடியும் என்ற நம்பிக்கை உள்ளது’ என்றும் அவர் தெரிவித்துள்ளார்.