யாராவது வீட்டுக்கு போனால் மனோபாலா இந்த உணவைத் தான் ஸ்பெஷலாகக் கொடுப்பாரா?- வாயார பாராட்டிச் செல்லும் பிரபலங்கள்

இயக்குநராக இருந்த காலக்கட்டத்தில் கூட ரஜினிகாந்த் உள்ளிட்ட உச்ச நடிகர்களை இயக்கும் போது கூட சிரித்த படியே ஜோக் சொல்லி அவர்களிடம் நடிப்பை வாங்கும் திறமைக் கொண்டவர் மனோபாலா என அவருடன் பழகிய பல பிரபலங்கள் கூறி உள்ளனர். நகைச்சுவை நடிகராக ஆன பிறகு அவர் ஒரு முறை கூட முறைத்தே பார்த்தது கிடையாது என்றும் வாழ்க்கையை அவ்வளவு எளிதாகவும் குழந்தை மனத்துடனுமே வாழ்ந்து சென்றவர் மனோபாலா என்கின்றனர்.

தனது வீட்டில் நடிகர் மனோபாலா மாடித் தோட்டம் போட்டு வளர்த்து வந்தார். அதில், விளையும் வெண்டக்காய், பாகற்காய் உள்ளிட்ட காய்களை வைத்து தான் செல்லும் படப்பிடிப்புகளுக்கு தன் கையாலே சமைத்துக் கொண்டு மற்ற நடிகர்களுக்கு கொடுப்பாராம். சினிமா ஷூட்டிங்கிற்காக வெளி மாநிலங்களுக்கோ, வெளிநாடுகளுக்கோ சென்று விட்டால் அங்கே நல்ல சாப்பாடு கிடைக்காத நிலையில், மனோபாலா அங்கு அவர்களுடன் இருந்தால் எந்த கவலையும் இல்லை என்கின்றனர். நொடிப்பொழுதில் நடிகர் சமையல் கலைஞராக மாறி வித விதமான உணவுகளை சமைத்து அசத்தி விடுவார் என ஓவியக் கலைஞர் மனோபாலாவின் கைகள் பெயின்ட் பிரஷ்ஷை மட்டுமின்றி கரண்டியையும் கச்சிதமாக பிடிக்கும் என்கின்றனர்.

தயாரிப்பாளராகவும் நடிகராகவும் இயக்குநராகவும் வேஸ்ட் பேப்பர் எனும் யூடியூப் சேனலையும் நடத்தி வந்த மனோபாலாவை சந்திக்க யாராவது அவரது வீட்டுக்குச் சென்றால் அதிகாலையிலேயே மணக்க மணக்க இட்லியும் வத்தக் குழம்பும் ரெடியாகி இருக்கும் என்கின்றனர். பாரதிராஜா, பாக்கியராஜ் உள்ளிட்ட பல பிரபலங்களுக்கு மனோபாலா வைக்கும் வத்தக் குழம்பு என்றால் கொள்ளைப் பிரியம் என மனோபாலாவின் புகழை அவருக்கு அஞ்சலி செலுத்தி விட்டுச் செல்லும் பல பிரபலங்கள் வாயார பாராட்டிச் செல்கின்றனர்.

விஜய் டிவியின் குக் வித் கோமாளி நிகழ்ச்சியிலும் கலந்து கொண்டு தனது சமையல் திறமையை மனோபாலா வெளிப்படுத்தி இருந்தது குறிப்பிடத்தக்கது. குக் வித் கோமாளி பிரபலங்களும் மனோபாலாவின் இறுதிச்சடங்கில் பங்கேற்று வருகின்றனர்.மேலும் மனோபாலாவின் உடல் இன்றைய தினம் தகனம் செய்யப்படவுள்ளது என்பதும் குறிப்பிடத்தக்கது.

மேலும் சினிமா செய்திகளுக்கு இங்கே அழுத்தவும்

முக்கிய செய்திகள் பிரபலமானவை