“பறந்து வருவேன் என்று கூறி விட்டு இப்படி வந்திட்டீங்களே...” பத்து தல FDFS பார்க்க வந்த கூல் சுரேஷை கலாய்க்கும் ரசிகர்கள்..!

சிம்பு நடித்துள்ள பத்து தல திரைப்படம் இன்று ரிலீஸ் ஆகி இருக்கும் நிலையில், அப்படத்தின் முதல் காட்சியை பார்க்க நடிகரும் சிம்புவின் ரசிகருமான கூல் சுரேஷ் ஹெலிகாப்டருடன் வந்துள்ளார்.

ஒபிலி என் கிருஷ்ணா இயக்கத்தில் சிம்பு நடித்துள்ள பத்து தல திரைப்படம் இன்று பிரமாண்டமாக ரிலீஸ் ஆகி உள்ளது. ஸ்டூடியோ கிரீன் ஞானவேல் ராஜா தயாரித்துள்ள இப்படத்தின் முதல் காட்சி இன்று காலை 8 மணிக்கு திரையிடப்பட்டது.

எனினும் இதற்காக தியேட்டர் முன் பட்டாசு வெடித்து, மேள தாளங்கள் முழங்க ஆடிப்பாடியும் சிம்பு ரசிகர்கள் கொண்டாடினர்.

குறிப்பாக சிம்புவின் தீவிர ரசிகரான நடிகர் கூல் சுரேஷ், பத்து தல படத்தின் முதல் ஷோ பார்க்க ஹெலிகாப்டரில் வருவேன் என தெரிவித்து இருந்தார்.

வீட்டை விற்றாவது ஹெலிகாப்டரில் வருவேன் என ஆவேசமாக பேட்டியும் கொடுத்திருந்தார். ஆனால் இன்று கையில் பொம்மை ஹெலிகாப்டர் ஒன்றை தூக்கிக்கொண்டு பத்து தல FDFS பார்க்க வந்துள்ளார் கூல் சுரேஷ்.

சென்னையிலுள்ள ரோகினி தியேட்டருக்குள் பொம்மை ஹெலிகாப்டர் உடன் வந்த நடிகர் கூல் சுரேஷை ரசிகர்கள் சூழ்ந்துகொண்டனர். இதுகுறித்த வீடியோ காட்சிகள் வெளியாகி வைரலாகி வருகிறது.